Беларуская ліга інтэлектуальных каманд

Інтэлектуальны рух у ДУА «Сярэдняя школа №14 г. Баранавічы» існуе прыкладна з 2002/2003 навучальнага года. Дакладную дату назваць складана, бо першыя «інтэлектуалы» былі самадзейнай арганізацыяй: у горадзе пачалі стварацца каманды, і нашы васьмікласнікі Агароднік Руслан, Аўдзяюк Павел, Таўрэль Максім, Валасевіч Вячаслаў захапіліся гэтай ідэяй. Цікава, што яны гулялі без кіраўніка. І як гулялі! На базе нашай школьнай каманды была створана гарадская каманда, якая прынесла гораду шмат перамог. Але тады не было каму гэтыя перамогі ўлічваць… Неўзабаве да хлопцаў далучыліся школьнікі сярэдняна звяна (Аўдзяюк І., Трышкін Ю.), і перамогі сталі больш частымі. У 2005/2006 годзе эстафету інтэлектуальнага руху падхапіла новая змена эрудытаў: Свірыдовіч А., Віннічак А., Федарук С., Мароз Г., Кошалеў А., Дзічкоўскі М. і іншыя. Дзякуючы ім наша школа доўгі час займала ганаровае месца ў спісе самых «інтэлектуальных» школ горада.

Доўгі час гуляла і перамагала каманда «Бамбук», якая складалася з выпускнікоў 2011 года (Савік Павел, Анікін Валяр’ян, Гаўрыленка Максім, Міхан Ягор, Кузьміч Павел). Іх лідарам была Упярэчкіна Таццяна. Маючы такога капітана, каманда заваявала пераходны кубак абсалютнага чэмпіёна горада. На жаль, пасля пераходу Таццяны ў гарадскую каманду, «Бамбук» "надламаўся". Але сцяг школы адразу падхапілі цудоўныя «Блондинки в поряде”, якія доўгі час сапернічалі з «Бамбукам». Страціўшы лідара, «Бамбук» не змог канкурыраваць з разумніцамі, прыгажунямі, спартсменкамі, актывісткамі.

2010/2011 навучальны год, выпускны для «бландзінак», прынёс ім зорны россып узнагарод: гэта прыемныя прызы ў выглядзе сувеніраў, кніг, дыскаў, мноства грамат і, галоўнае, пераходны кубак абсалютнага чэмпіёна горада. Вось гэта зорная каманда «Блондинок в поряде»: Ждановіч Надзея, Талкачова Валерыя, Дзямід Кацярына, Курбатава Дыяна, Шасцярнёва Настасся.

Цяперашнія школьныя каманды пакуль што ў працэсе «згульвання». Гэта «Машына часу», якая складаецца з пасажыраў 9«А» і 9«Б» класаў. Калі за яе руль сядае адзінаццацікласніца Упярэчкіна Таццяна,«машынка» выйграе забег. Гуляе ў гарадской лізе і каманда восьмых класаў «Асарці», але яна яшчэ канчаткова не склалася. Удала ўпісаліся ў каманду вучні сёмых класаў Краўчанка М. і Казлоўскі У. Многаабяцальныя каманды падрастаюць у сёмых і шостых класах. Кемлівыя і азартныя пяцікласнікі рэгулярна наведваюць заняткі гуртка «Эрудыт», які праводзіць кіраўнік інтэлектуальнага руху ў школе Маскаленка Г.І.. Верыцца, што яны вырастуць у сапраўдных байцоў-знаўцаў, якія прадоўжаць справу, распачатую першай зорнай камандай пад кіраўніцтвам Агародніка Руслана. З гонарам нагадваем, што менавіта Руслан цяпер прадстаўляе наш горад і школу ў тэлевізійнай гульне «Брэйн-рынг». З гэтай нагоды яго можна часта ўбачыць на канале АНТ.

Беларускі рэспубліканскі саюз моладзі

Беларускі рэспубліканскі саюз моладзі – добраахвотная самастойная юнацкая грамадская арганізацыя, заснаваная 6 верасня 2002 года.

Асноўная мэта БРСМ – стварэнне ўмоў для ўсебаковага развіцця моладзі, раскрыцця яе творчага патэнцыялу, садзейнічанне развіццю ў Рэспубліцы Беларусь грамадскасці, якая заснавана на патрыятычных і духоўных каштоўнасцях беларускага народа.

Пярвічная арганізацыя ГА “БРСМ” сярэдняй школы № 14 складаецца з 35 чалавек (навучэнцаў 9 – 11 класаў).

Структура пярвічнай арганізацыі ГА “БРСМ” СШ № 14

Адным з галоўных напрамкаў дзейнасці ў рабоце пярвічнай арганізацыі з’яўляецца патрыятычнае выхаванне. Члены патрыятычнага сектара шэфствуюць над ветэранамі Вялікай Айчыннай вайны і ветэранамі працы, адзінокімі і састарэлымі людзьмі.

Члены БРСМ самі вядуць здаровы лад жыцця, прапагандуюць яго сярод іншых навучэнцаў школы і з’яўляюцца актыўнымі ўдзельнікамі фізкультурна-аздараўленчых і спартыўных мерапрыемстваў.

Не пакідаюць без увагі члены БРСМ і традыцыйныя мерапрыемствы, якія праводзяцца ў школе: падрыхтоўку канцэртных і віншавальных праграм, выстывы малюнкаў, школьныя вечарыны.

Актыўны ўдзел арганізацыя бярэ ў гарадскіх мерапрыемствах: у інтэрактыўна-ролевай гульні “Драйв”, фотамарафоне “АБ’ЕКТЫЎна”, у акцыі “Мы — грамадзяне Рэспублікі Беларусь”.

Моладзевы білет – твая сацыяльная падтрымка!
Правілы ўступлення ў п/а ГА «БРСМ»

БРСМ. Моладзь. Баранавічы

Беларуская рэспубліканская піянерская арганізацыя

Мэта БРПА – садзейначаць сацыялізацыі асобы дзіцяці. У арганізацыю ідзе той, хто зрабіў свядомы выбар. Піянерская арганізацыя стварае ўмовы для самаразвіцця дзяцей і падлеткаў, дае ім права актыўна ўдзельнічаць ва ўсіх справах, якія ўплываюць на іх жыццё, адкрыта выказваць свае думкі і быць пачутымі. Праграмы БРПА абапіраюцца на выкананне пэўных заданняў, удзел у паходах і акцыях.

Піянерская дружына СШ №14 носіць імя піянера-героя Колі Гойшыка і налічвае 425 піянераў і 350 акцябрат.

Дружына імя піянера-героя Колі Гойшыка працуе па праграмах:

• «Сем Я» — развіццё ў дзяцей і падлеткаў камунікатыўных і арганізатарскіх здольнасцей, навыкаў, неабходных лідарам дзіцячага калектыву. 
• «Гульня – справа сур’ёзная» — выкарыстанне патэнцыялу гульні для развіцця групавых і асабістых адносін,
  
  умацаванне адпаведных сацыяльных норм узаемаадносін у піянерскім калектыве.
• «Спадчына» — дапамога падлеткам у авалоданні культурнымі, духоўнымі і працоўнымі традыцыямі свайго народа, ва ўсведамленні глыбінных сувязей пакаленняў, сувязі чалавека з прыродай.
• «Акцябраты» — дапамога дзіцяці 6-9 гадоў у яго імкненні стаць больш самастойным; выхаванне грамадзянскасці, патрыятызму праз абуджэнне інтарэсу да сваёй сям’і, роду, гісторыі «малой Радзімы», традыцый сваёй сям’і і свайго народа; выхаванне міласэрнасці, гатоўнасці прыйсці на дапамогу людзям, прыродзе; фарміраванне ў піянераў вопыту ўзаемадзеяння з партнёрамі рознага ўзросту.
•  «Дзіцячы ордэн міласэрнасці» — адраджэнне і развіццё традыцый дзіцячай дабрачыннасці і міласэрнасці.

• Каляндар піянерскай дружыны імя піянера-героя Колі Гойшыка

  Верасень – Дзень ГА «БРПА»
  Кастрычнік – прыём навучэнцаў 2-х класаў у малодшыя члены ГА «БРПА» – акцябраты
  Снежань – студзень – калядныя дабрачынныя акцыі
  Люты – Дзень юнага патрыёта
  Сакавік – Дзень Канстытуцыі
  Красавік – спартыўна-патрыятычная гульня «Зарніца»
  Май – Вахта Памяці
  Май – Дзень піянерскага сяброўства 

1.  Рэспубліканскі саюз грамадскіх аб’яднанняў "Беларускі камітэт маладзёжных арганізацый" з’яўляецца правадніком паміж дзяржавай і моладдзю, каардынуе выкананне значных праграм і прыцягвае найбольшую колькасць маладых людзей да рэалізацыі агульных задач. Акрамя таго, саюз непасрэдна падтрымлівае распрацоўку і правядзенне розных мерапрыемстваў, развівае міжнароднае маладзёжнае супрацоўніцтва з падобнымі структурамі ў замежных краінах.
   
2. 
   Мэтай грамадскага аб’яднання «Беларускі рэспубліканскі саюз моладзі» (ГА «БРСМ») з’яўляецця стварэнне ўмоў для ўсебаковага развіцця моладзі, раскрыцця яе творчага патэнцыялу, садзейнічанне развіццю ў Рэспубліцы Беларусь грамадскасці, якая заснавана на патрыятычных і духоўных каштоўнасцях беларускага народа.
   
3. 
   Грамадскае аб’яднанне «Беларуская рэспубліканская піянерская арганізацыя» (ГА «БРПА») праводзіць розныя акцыі, дабрачынныя мерапрыемствы, семінары, форумы, лагеры з мэтай дапамагчы кожнаму піянеру стаць Грамадзянінам, сваімі справамі і ўчынкамі прыносіць карысць сабе, сваёй сям’і, Радзіме.
   
4. 
   ГА БЛІК — гэта грамадская арганізацыя «Беларуская ліга інтэлектуальных каманд». Яна аб’ядноўвае клубы і каманды, якія займаюцца інтэлектуальнымі гульнямі. У БЛІКу рады кожнаму, хто гуляе ў «Што? Дзе? Калі?» і «Брэйн-рынг» (а таксама тым, хто яшчэ не гуляе, але хацеў бы пачаць).
   
5. 
   Рэспубліканская маладзёжная грамадская арганізацыя «Ліга добраахвотнага труда моладзі» (РМГА «ЛДТМ») з’яўляецца добраахвотным аб’яднаннем моладзі, сацыяльна-культурнага характару дзейнасці, якое ўтворана на падставе агульных інтарэсаў для сумеснай рэалізацыі грамадзянскіх, сацыяльных і культурных правоў. Мэта ЛДТМ — развіццё грамадзянскай актыўнасці моладзі праз яе ўцягванне ў валанцёрскую дзейнасць.
   
6. 
    Маладзёжнае грамадскае аб’яднанне «Беларускі КВЗ» (МГА «Беларускі КВЗ») бачыць сваёй мэтай стварэнне ўмоў для найбольш поўнай рэалізацыі правоў і законных інтарэсаў сваіх членаў, садзейнічанне камандам КВЗ, развіццё руху КВЗ у РБ, арганізацыя вольнага часу навучэнцаў сярэдніх, сярэдніх спецыяльных і вышэйшых навучальных устаноў, а таксама працоўнай і іншай моладзі рэспублікі.
   
7. 
    Місія Рэспубліканскага грамадскага аб’яднання «Беларуская асацыяцыя клубаў «ЮНЕСКО» — прапаганда гуманных прынцыпаў і ідэй ЮНЕСКО ў галіне адукацыі, навукі, культуры і зносін праз стварэнне клубаў ЮНЕСКО па ўсёй Беларусі. Брэндавыя праекты – гэта міжнародны летні ўніверсітэт клубаў ЮНЕСКО, зімовы ўніверсітэт клубаў ЮНЕСКО, валанцёрскія лагеры ў Беларусі і за мяжой, лінгвістычныя лагеры, вясеннія і восеньскія фестывалі клубаў ЮНЕСКО ў г. Гродна, міжнародны фестываль «Жывая вада сяброўства» ў г. Гомель, праект «Мост цераз пакаленні» і іншыя.
   
8. 
    Дзіцячае грамадскае аб’яднанне «Асацыяцыя беларускіх гайдаў» (ДГА «АБГ») —  незалежная, непалітычная, нерэлігійная, добраахвотная, прагрэсіўная арганізацыя дзяўчынак і маладых жанчын Беларусі садзейнічае духоўнаму, інтэлектуальнаму, фізічнаму развіццю, удасканаленні характару, сацыяльнай адаптацыі дзяўчынак і дзяўчын у зменлівым свеце.
   
9. 
   Беларуская маладзёжная грамадская арганізацыя ратавальнікаў-пажарных (БМГАРП). Мэты і задачы арганізацыі: грамадзянскае і патрыятычнае выхаванне дзяцей і моладзі; прывіццё навыкаў бяспечнай жыццядзейнасці; папулярызацыя здаровага ладу жыцця; развіццё творчага патэнцыялу дзяцей і моладзі; папулярызацыя прафесіі ратавальніка-пажарнага. Пад началам арганізацыі праводзяцца рэспубліканскія агляды-конкурсы дзіцячай творчасці «Ратавальнікі вачыма дзяцей», «Школа бяспекі», рэспубліканскі палявы лагер «Ратавальнік», Рэспубліканскі і Міжнародны злёт юных ратавальнікаў-пажарных.
   

10. Міжнародная асацыяцыя маладзёжных грамадскіх арганізацый пажарных-ратавальнікаў.

    
11. 
     Дзіцячая грамадская арганізацыя «Беларуская рэспубліканская скавуцкая асацыяцыя» – гэта добраахвотная, непалітычная, выхаваўчая арганізацыя для дзяцей і маладых людзей, адчынена для ўсіх, незалежна ад іх паходжання, расавай прыналежнасці або веравызнання. Галоўнай мэтай БРСА з’яўляецца садзейнічанне развіццю маладых людзей у Беларусі ў адпаведнасці з Мэтай, прынцыпамі і Метадам Скавуцага Руху.
    
12. 
     Рэспубліканскае грамадскае аб’яднанне «Беларуская федэрацыя шатакан каратэ-до» (БФШК) арыентуецца на ўзмацненне здароў’я, фізічнае і маральнае выхаванне, стварэнне спрыяльных умоў для раскрыцця творчых і спартыўных магчымасцяў моладзі. Члены арганізацыі прымаюць удзел у фінальных спаборніцтвах Кубка Свету па Шатакан каратэ-до SKIF, першынствах і чэмпіянатах Еўропы па Шатакан каратэ-до, у міжнародных навукова-практычных канферэнцыях, рэспубліканскіх спаборніцтвах ”Кубак абаронцаў Айчыны“ і ”Гармонія Шатакан“, адчыненых першэнствах Рэспублікі Беларусь і ў іншых мерапрыемствах.
    
13. 
     Мэтай грамадскага аб’яднання «Беларуская асацыяцыя дапамогі дзецям-інвалідам і маладым інвалідам» з’яўляецця стварэнне дзецям і маладым людзям з асаблівасцямі ў развіцці роўных з іншымі грамадзянамі магчымасцей удзелу ва ўсіх сферах жыцця грамадства.
    
14. 
     Устаўнымі мэтамі Рэспубліканскага маладзёжнага грамадскага аб’яднання "Беларуская федэрацыя старадаўняй аўтатэхнікі "Барэтра" з’яўляюцца: аб’яднанне аматараў антыкварнай аўтатэхнікі для забеспячэння аптымальных арганізацыйна-прававых і сацыяльна-эканамічных умоў для развіцця ўнікальнага кулътурна-гістарычнага руху маладых энтузіястаў аўтамотастарыны Рэспублікі Беларусь; вывучэнне аўтамабільнай і ваенна-тэхнічнай гісторыі Беларусі, у тым ліку рэканструкцыя аўтамотатэхнікі і аўтабронетэхнікі часоў Вялікай Айчыннай вайны.
    
15. 
     Грамадскае аб’яднанне ”Беларуская арганізацыя сацыяльнай падтрымкі дзяцей і падлеткаў ”Мы — дзецям“ займаецца арганізацыяй фестываляў, дзіцячых святаў, конкурсаў, злётаў і іншых мерапрыемстваў дзіцячага адпачынку і аздараўлення. Галоўная асаблівасць гэтых акцый і праектаў у тым, што іх непасрэднымі творцамі і ўдзельнікамі з’яўляюцца самі дзеці.
    
16. 
     Грамадскае аб’яднанне ”Беларускі камітэт Спешыал Аліміпікс“. Рух «Спешыал Алімпікс» узнік 40 гадоў таму па ініцыятыве Юніс Кенадзі Шрайвар і займаецца сацыяльнай рэабілітацыяй інвалідаў з інтэлектуальнай недастатковасцю праз фізічную культуру і спорт.